Вопросы и ответы KZ

Қан тапсырғаннан кейін 1-2 жұмыс күнінен кейін трансфузиялық инфекцияларға тексеру нәтижесін жексенбіден басқа, күн сайын сағат 9.00-ден 16.30-ға дейін тіркеу бөлімінен немесе www.donorblood.kz  сайтынан «Талдау нәтижелері» бөлімінде алуға болады. Деректерді қате терген жағдайда консультацияға шақыру туралы жазба пайда болады. Егер деректер дұрыс енгізілсе, консультация туралы жазба шығады, ақпаратты алу үшін қан орталығына келу қажет болады.
Тексеру нәтижесін алу үшін келесі деректерді енгізу керек:
1)Донация коды: анықтама № (оны донация залында қан тапсырғаннан кейін беріледі);
2)Құпиясөз: жеке куәлік бойынша Сіздің Тегіңіз;
Тексеру нәтижесіне қолжетімділік тексеру нәтижесін алғаннан кейін 15 күн бойы белсенді болады.

Татуировкасы бар донор 4 айға дейінгі мерзімде донорлықтан шектетіледі, бұл «Донорларды медициналық куәландыруға, медициналық қолдану үшін қан өнімдерін өндіру кезіндегі қауіпсіздік пен сапаға қойылатын талаптарды бекіту туралы» ҚР ДСМ 02.10.2020 жылғы № ҚР ДСМ-113/2020 бұйрығына сәйкес қан және оның компоненттерінің донорлығынан уақытша шектету болып табылады.

«Облыстық қан орталығы» КМК-да жексенбіден басқа, күн сайын сағат 8.00-ден 14.00-ге дейін, Кешілер даңғылы 81 мекенжайы бойынша қан тапсыруға болады. Дәрігер қарағаннан кейін қарсы көрсетілімдер болмаса донорлыққа жіберіледі.
Қан тапсыруға алдын ала дайындық қажет. Қан тапсырғанға дейін 72 сағат бұрын және сол күні майлы, қуырылған, ащы және қақталған тағамдарды, сондай-ақ сүт өнімдерін, жұмыртқа мен майды пайдалануға ұсынылмайды. Көп мөлшерде су ішу керек.

ҚО ДСБ «Облыстық қан орталығы» КМК-да қан және оның компоненттерін тапсыру ақысыз негізде жүргізіледі. Ақысыз негізде қан немесе оның компоненттерінің донациясын жүзеге асыратын донорларды тегін тамақтандырудың ақшалай эквивалентінің мөлшері 0,25 айлық есептік көрсеткіш – 766 теңгені құрайды.

ҚО ДСБ «Облыстық қан орталығы» КМК-да емдік мақсатта емдік плазмоферез процедурасы жүргізіледі. Бір процедураның құны 23 000 теңге. Дәрігердің қабылдауы 1500 теңге.

     Осы процедураны жүргізу үшін қажетті құжаттың тізімі:

• медициналық ұйымның мөрі және дәрігердің жеке мөрі бар, ұсынылатын процедуралар саны көрсетілген, процедураны жүргізуге емдеуші дәрігердің жолдамасы;
• соңғы 10 күннің ішінде жасалған түсіндірмесі бар электрокардиограмма;
• соңғы 10 күннің ішінде жасалған жалпы толық қан талдауы;
• ВГВ, СГВ, АИТВ, мерез трансфузиялық инфекцияларға тексеру нәтижесі;
• процедураны жүргізген күні жалпы ақуызды тапсырған абзал.

Он сегіз жасқа толған, салмағы кемінде 60 кг, тиісті медициналық куәландырудан өткен және қарсы көрсетілімдері жоқ, медициналық мақсаттар үшін қан мен оның компоненттерін донациялауды жүзеге асыруға ерікті түрде ниет білдірген жеке тұлға донор болуға құқылы.

Қазақстан Республикасы Денсаулық сақтау министрінің 2020 жылғы 02 қазандағы № ҚР ДСМ-113/2020 бұйрығына сәйкес гемоглобиннің жіберілуі мүмкін нормасы ерлер үшін кемінде 120 г/л, әйелдер үшін кемінде 110 г/л. Егер гемоглобин көрсеткіші жіберілген нормадан төмен болса донор қан немесе оның компоненттерін тапсыруға жіберілмейді.

ҚО ДСБ «Облыстық қан орталығы» КМК-да емдік мақсатта емдік донация процедурасы жасалады. Процедураның құны 3500 теңге. Дәрігердің қабылдауы 1500 теңге. Нақты ақпаратты «Облыстық қан орталығы» КМК дәрігерінің қабылдауында алуға болады. Біздің мекенжайымыз: Қарағанды қ. Кеншілер даңғылы, 81, жексенбіден басқа сағат 8.00-ден 14.00-ге дейін. Өзіңізбен жеке басты куәландыратын құжат болуы тиіс.

Донор бола алмайсыз, себебі гепатит «Донорларды медициналық куәландыруға, медициналық қолдану үшін қан өнімдерін өндіру кезіндегі қауіпсіздік пен сапаға қойылатын талаптарды бекіту туралы» № ҚР ДСМ 02.10.2020 жылғы ҚР ДСМ-113/2020 бұйрығына сәйкес донорлыққа абсолютті қарсы көрсетілім болып табылады.

COVID-19-дан вакцинацияланған тұлғалар вакцина алғаннан соң 14 күннен кейін донорлыққа жіберіледі.

Донорлыққа қатысу үшін Сіз жексенбіден басқа, күн сайын сағат 8.00-ден 15.00-ге дейін, Кешілер даңғылы 81 мекенжайы бойынша келе аласыз . Өзіңізбен жеке басты куәландыратын құжат болуы тиіс.

Донорлыққа қатысу үшін ПТР тест қажет емес. Анамнезінде қосалқы және созылмалы аурулары болмаған жағдайда жасы 18-де және одан жоғары, дені сау кез келген адам донор бола алады.

«Халық денсаулығы және денсаулық сақтау жүйесі» Қазақстан Республикасының 07.07.2020 ж. № 360 – VI Кодексіне сәйкес
1. Жұмыскер жұмыс күндері медициналық зерттеп-қаралу және қанды және (немесе) оның компоненттерін донациялау кезінде орташа жалақысы сақтала отырып, жұмыстан босатылады.
2. Қанды және (немесе) оның компоненттерін донациялауды өтеусіз негізде жүзеге асырған донорға орташа жалақысы сақтала отырып, қосымша бір демалыс күн беріледі, бұл жыл сайынғы еңбек демалысына қосылуы мүмкін. Осы кепілдіктер донациялау кезінен бастап бір жыл бойы жарамды.

Донорлыққа кемінде 60 кг болатын адам жіберіледі. Дене салмағында жетіспеушілігі «Донорларды медициналық куәландыруға, медициналық қолдану үшін қан өнімдерін өндіру кезіндегі қауіпсіздік пен сапаға қойылатын талаптарды бекіту туралы» № ҚР ДСМ 02.10.2020 жылғы ҚР ДСМ-113/2020 бұйрығына сәйкес донорлыққа абсолютті қарсы көрсетілім болып табылады.

Қан донациясына дайындық қажет. Қан тапсырар алдында және сол күні майлы, қуырылған, ащы және қақталған тағамдарды, сондай-ақ сүт өнімдерін, жұмыртқа мен майды пайдалануға ұсынылмайды. Егер ұсынымдарды сақтамаған жағдайда пробиркада плазма «хилезы» байқалады, бұл қан тапсыруға қарсы көрсетілім болып табылады.