Прейскурантқа сәйкес қан компоненттерін өткізу
Қан өнімдерін беру тәртібі
1.Өнімді беру медициналық ұйыммен "донорлық қан компоненттері мен препараттарын жеткізу шарты" негізінде жүзеге асырылады.
2.Донорлық қан компоненттерін өткізу шартқа сәйкес "Трансфузиология" мамандығы бойынша медициналық көмек көрсетуге лицензиясы бар медициналық ұйымдарға жүргізіледі.
3.Медициналық ұйымдарға қан өнімдері талаптарға сәйкес келесілер:
3.1 Қан өнімін алу үшін сенім білдірілген адамның жеке басын куәландыратын құжат;
3.2 "Денсаулық сақтау саласындағы есепке алу құжаттамасының нысандарын бекіту туралы" Қазақстан Республикасы Денсаулық сақтау министрінің 30.10.2020 жылғы № ҚР ДСМ-175/2020 бұйрығымен бекітілген нысан бойынша (ф-136/е) өнімге өтінімдер электрондық түрде vydacha@donorblood.kz поштаға жіберіледі, кейіннен оны тапсырысты жасаған жауапты тұлғаның қол қойылған және Тапсырыс берушінің мөрімен расталған қағаз нұсқасы ұсынылуы тиіс.
3.3 ҚР ҚМ 2012.12.20ж. № 562 бұйрығына сәйкес Д-1 нысаны бойынша сенімхаттар.
3.4 Термометрі бар термоконтейнерлер (өнімнің әрбір түріне),
3.5 Медициналық ұйымның белгіленген нысанындағы қан өнімдерін тасымалдауды тіркеу журналы болған жағдайда беріледі.
4. Сақтау мерзімі шектеулі қан компоненттеріне (жуылған эритроциттер мен тромбоциттер) өтінімдерді 8 (7212) 506-866 телефоны бойынша хабарлау және сақтау мерзімі ішінде олардан бас тартпай толық көлемде, трансфузиялық терапия жүргізілгенге дейін қосымша уақытты ескере отырып, алу қажет, атап айтқанда:
4.1.Жуылған эритроциттер – трансфузиялық терапия жүргізілгенге дейін 3-4 сағаттан кешіктірмей телефон арқылы хабарлау және пациенттің деректерін (ТАӘ, қан тобы, резус фактор, жасы, диагнозы), сондай - ақ трансфузиялық терапияны тағайындаған дәрігердің ТАӘ хабарлау.
4.2.Тромбоциттер – трансфузиялық терапия жүргізілгенге дейін 1 тәуліктен кешіктірмей телефон арқылы хабарлау және пациенттің деректерін (ТАӘ, қан тобы, резус фактор, жасы, салмағы, диагнозы), сондай-ақ трансфузиялық терапияны тағайындаған дәрігердің ТАӘ хабарлау.
4.3.Қан компоненттерінің әрбір түрі үшін бөлек термоконтейнерлерде "суық тізбекті" сақтай отырып, Өнімді өздері алып кетіп, тасымалдауды қамтамасыз ету;
