Емдік плазмаферез емшарасы

Емдік плазмаферез емшарасын жүргізу бойынша ақпарат

Емдік плазмаферез емшарасы - экстракорпоральды (ағзадан тыс) терапия әдісі, оның мәні ауру себептері болып табылатын уытты және метаболикалық заттары бар плазманы жою. Емшара Haemonetics PCS (АҚШ) аппаратында жүргізіледі. Емшараның ұзақтығы 40-50 мин. Емдеу арасына 1-2 күн аралық салып, 3-тен 7-ге дейінгі курсты құрайды.
Қажетті құжаттардың тізімі және қарап-тексеру нәтижесі:
1. медициналық ұйымның және дәрігердің жеке мөрлері бар, диагнозы көрсетілген емдеуші дәрігердің емдік плазмаферез емшарасын жүргізуге жолдамасы;
2. түсіндірмесі бар электрокардиограмма (талдау тапсырылған сәттен бастап 10 күннен кешіктірмей);
3. толық жалпы қан талдауы (талдау тапсырылған сәттен бастап 10 күннен кешіктірмей);
4. жалпы ақуыз (талдау тапсырылған сәттен бастап 3 күннен кешіктірмей);
5. В және С гепатиттерінің, мерезге, АИТВ тексеру нәтижелері (6 айға дейін жарамды).
«Облыстық қан орталығы» КМК дәрігері қажетті құжаттар және қарап-тексеру нәтижесі болғанда 208,209,210-кабинеттерінде қабылдауды жүзеге асырады.
Емдік плазмаферез емшарасына дайындық: емшараға барардың алдында 2-2,5 л мөлшерінде сұйықтық ішу, жақсылап дем алу, ақуызға бай тағамдарды (тауық жұмыртқасы, ірімшік, балық, тауықтың төс еті, ет, бұршақ, асбұршақ) жеу қажет.
Емдік плазмаферез емшарасынан кейінгі ұсыныс:

• емшарадан кейінгі алғашқы тәулікте көп сұйықтық ішу, алкоголь ішу мен темекі шегуден бас тарту, физикалық және психоэмоционалды жүктемелерді болдыртпау, экстремалды және қауіпті әрекеттермен байланысты жұмыс пен хоббиді шектеу, монша мен сауналарға бармау;
• ақуызға бай тағамдарды (тауық жұмыртқасы, ірімшік, балық, тауықтың төс еті, ет, бұршақ, асбұршақ) жеу.

Емдік плазмаферездің бір емшарасының құны 27 029 теңге. Емшара алдында дәрігердің қабылдауы 2380 теңге.
Қосымша ақпаратты «Облыстық қан орталығы» КМК дәрігерінен консультация кезінде алуға болады. Анықтама телефоны:  8 (7212)50-79-09 қабылдау бөлімі (ішкі  207). 8(7212)50-30-33 тіркеу бөлімі.